Njarðvík mætir Snæfell í Subway-deild kvenna í kvöld. Leikurinn fer fram í Stykkishólmi og hefst kl. 19:15. Þetta er næstsíðasti leikurinn hjá Ljónynjum í venjulegri deildarkeppni áður en deildinni verður skipt upp í A og B hluta. Síðasti leikurinn er svo í Ljónagryfjunni gegn Val þann 31. janúar næstkomandi.
Hólmarar hafa verið að bíta verulega frá sér að undanförnu með sigrum gegn Val og Fjölni en eru þó á botni deildarinnar með 4 stig en Njarðvík í 2. sætinu með 22 stig fyrir viðureignir kvöldsins. Leikurinn í kvöld verður í beinni útsendingu á Subway2 hliðarrásinni.
