Njarðvíkingurinn, Freysteinn Ingi Guðnason, var nýlega á reynslu hjá FC Köln sem leikur í Þýsku efstu deild, Bundesliga.
Aðstæður hjá FC Köln eru eins og þær gerast bestar, en bæði unglingalið og aðallið félagsins æfia á hinu glæsilega Geissbockheim æfingasvæði.
Freysteinn Ingi, sem getur bæði leikið sem kantmaður og sem fremsti sóknarmaður, á að baki orðið 22 leiki með meistaraflokki Njarðvíkur og 12 leiki með yngri landsliðum Íslands þrátt fyrir ungan aldur.
Freysteinn Ingi æfði með sterku liði FC Köln U19 en liðið er ríkjandi þýskur bikarmeistari auk þess sem tveir leikmenn liðsins urðu heimsmeistarar með Þýskalandi U17 á síðasta ári.
Æfingavikan gekk mjög vel og hefur FC Köln þegar lýst yfir áhuga á að fá Freystein Inga aftur í heimsókn áður en tímabilinu í Þýskalandi lýkur í maí.
Knattspyrnudeildin óskar Freysteini til hamingju með tækifærið hjá FC Köln síðustu vikuna.