Viktor Leó Elíasson valinn í æfingahóp U17 ára landsliðs karla!
Ómar Ingi Guðmundsson, landsliðsþjálfari U17 karla, hefur valið hóp sem kemur saman til æfinga dagana 2.-4. mars.
Æfingarnar fara fram í Miðgarði í Garðabæ og eru liður í undirbúningi liðsins fyrir seinni umferð undankeppni EM 2026. Þar mætir Ísland Ítalíu, Portúgal og Rúmeníu og verður leikið á Ítalíu dagana 25.-31. mars.
Okkar maður, Viktor Leó er einn 28 leikmanna sem hefur verið valinn.
Knattspyrnudeildin óskar Viktori til hamingju með valið og óskar honum góðs gengis á æfingunum! 