Ljónin eru á austurleið og mæta Þór Þorlákshöfn í Subway-deild karla í kvöld kl. 19:15. Fyrir viðureign kvöldsins eru 10 stig í pottinum fyrir okkar menn sem eru í harðri baráttu við topp deildarinnar í æsispennandi og síbreytilegu umhverfi.
Bæði Þór Þorlákshöfn og Njarðvík hafa 24 stig í 2.-5. sæti deildarinnar en þar skammt undan eru Álftanes með 20 stig og svo Tindastóll og Höttur bæði með 18 stig. Græna hjörðin er hvött til að gera sér ferð í Þorlákshöfn í kvöld og styðja okkar menn í stúkunni en fyrir þá sem eiga ekki heimangengt þá verður leikurinn í beinnit útsendingu á Subway 1 hliðarrásinni hjá Stöð 2 Sport.
Áfram Njarðvík!
