Orkumótinu í Eyjum fyrir 6. flokk sem hófst á miðvikudaginn lauk í gær. Njarðvík var með tvö lið á mótinu alls 17 stráka og gekk báðum liðunum vel á mótinu.
Ingi Þór Þórisson þjálfari 6. flokks sagði eftir mótið. Lið 1 spilaði frábæran fótbolta oft á tíðum en átti erfiðan dag á laugardeginum en enduðu mótið á að sýna hvað þeir virkilega geta með að vinna nágranna okkar úr Víði/Reyni. Lið 2 kom öllum skemmtilega á óvart með að vinna 9 leiki af 10 leikjum sem er ótrúlega flott. Ég er búinn að fara á ótrúlega mörg mót og hef aldrei orðið vitni af öðrum eins stuðning og var hjá foreldrum í liði 2 það var sungið allan tímann og svo tekið víkingaklappið strax eftir leik.
Myndirnar eru frá mótinu er fengnar frá foreldrum drengjanna.
