Körfuknattleiksdeild Njarðvíkur og HS Orka framlengdu nýverið samstarfssamningi sínum til næstu tveggja ára. Hafsteinn Sveinsson formaður KKD UMFN og Jóhann Snorri Sigurbergsson deildarstjóri viðskiptaþróunar hjá HS Orku skrifuðu undir nýja samninginn í IceMar-Höllinni.
Hafsteinn sagði mikla ánægju hjá stjórn deildarinnar með þessa framlengingu á öflugu samstarfi. „Við erum lánsöm að eiga svona góða bakhjarla að í starfinu okkar og erum spennt fyrir næstu árum,” sagði Hafsteinn en HS Orka hefur um árabil stutt dyggilega við starfsemi deildarinnar.