Már Gunnarsson sundmaður úr ÍRB/Nes hélt til keppni eldsnemma í morgun á EM 50 í Portúgal.
Gaman er að segja frá því að ÍRB á tvo fulltrúa á mótinu því með honum í för er Helena Hrund
Ingimundardóttir þjálfari hjá ÍRB. Við hjá ÍRB óskum þeim góðs gengis.
Evrópumeistaramót fatlaðra í sundi í 50m laug fer fram í Funchal í Portúgal dagana 1.-7. maí
næstkomandi. Ísland sendir fjóra keppendur á mótið, tvo karla og tvær konur.
Keppendur Íslands á EM í Portúgal:
Jón Margeir Sverrisson, S14, Fjölnir – 200m skriðsund, 100m bringusund og 200m fjórsund.
Már Gunnarsson, S12, Nes/ÍRB – 100m skriðsund, 400m skriðsund, 100m baksund og 200m fjórsund.
Thelma Björg Björnsdóttir, S6, ÍFR – 50,100 og 400m skriðsund, 100m bringusund og 200m fjórsund.
Sonja Sigurðardóttir, S4, ÍFR – 50, 100m skriðsund, 50m baksund, 50m bringusund og 150m þrísund.
Fararstjóri í ferðinni verður Þór Jónsson formaður sundnefndar Íþróttasambands fatlaðra og Kristín
Guðmundsdóttir landsliðsþjálfari. Þeim til halds og trausts í ferðinni verða Ragnar Friðbjarnarson
þjálfari/sjúkraþjálfari og Helena Hrund Ingimundardóttir þjálfari/aðstoðarmaður.
Alþjóðaólympíuhreyfing fatlaðra (IPC) greindi frá því að mótið verði allt sýnt í beinni á netinu en
útsendingarnar verður hægt að nálgast á funchal2016.com
Hér er hægt að nálgast keppnisdagskrá mótsins en undanrásir hefjast kl. 09:00 alla morgna að
staðartíma og úrslit kl. 17:00.