Logi áfram í Njarðvík.Prenta

Körfubolti

Logi Gunnarsson hefur hefur framlengt samning sínum við Körfuknattleiksdeild Njarðvíkur. Logi er einn öflugasti leikmaður landsins og því um mikilvægan samning að ræða fyrir þá grænklæddu. Hann hefur síðustu ár verið fyrirliði liðsis og dregið liðið með baráttu í gegnum hinar ýmsu raunir. Eins og áhugamenn um körfubolta vita spilaði hann handabrotinn í gegnum úrslitakeppnina en var samt einn mikilvægasti hlekkurinn í liðinu.

„Með endurráðningu Loga kristallast hið eina sanna Njarðvikurhjarta. Hann hefði getað sótt í stærri samning annars staðar en kaus að gera það ekki. Við höfum verið nálægt stærsta sviðinu í tvígang, nánast þefað af gullinu. Til að ná gullinu til okkar er nauðsynlegt að hafa Loga um borð. Hann er verðugur stýrimaður Njardvikurliðsins med risavaxið grænt hjarta og um leið sú góða fyrirmynd sem við viljum hafa innan okkar raða. Ég er afar sáttur við þennan víking.“ Segir Gunnar Örlygsson.