Lily Farkas gengur til liðs við Grindavík/Njarðvík!
Lily Farkas sem er 25 ára sóknarsinnaður leikmaður, hefur samið við Grindavík/Njarðvík út tímabilið.
Lily er með bandarískan og ungverskan ríkisborgararétt og hefur spilað með U19 landsliði Ungverjalands.
Hún lék í bandaríska háskólaboltanum með Michigan og Florida State áður en hún gekk til liðs við Fortuna Hjørring í dönsku úrvalsdeildinni þar sem hún varð Danmerkurmeistari með liðinu.
Á síðasta tímabili lék hún með Fram í Bestu deildinni með góðum árangri.
Gylfi Tryggvason þjálfari liðsins hafði þetta að segja um skiptin: „Lily er skemmtilegur leikmaður sem kemur með aukna vídd í sóknarleikinn okkar. Hún getur leyst margar stöður fram á við, er skapandi og tæknilega góð. Hún kemur með reynslu af deildinni sem mun nýtast okkur vel og við væntum mikils af henni í sumar.“
Velkomin til Grindavíkur/Njarðvíkur Lily!