Hamborgarasérfræðingarnir hjá Smass eru mættir til Reykjanesbæjar og hafa þegar gert nýjan og skemmtilegan samstarfssamningi við Körfuknattleiksdeild Njarðvíkur.
Glöggir gætu hafa tekið eftir nýja samstarfinu en á dögunum voru tveir skotvissir aðilar sem unnu sér inn glæsilega hamborgaraveislu frá Smass á heimaleik í Ljónagryfjunni.
Smassborgari er nelgdur niður á pönnuna eins og segir á smass.is. „American Cheese” bráðnar á kjötinu, dillgúrkur og gott kartöflubrauð ásamt fullkominni hamborgarasósu frá vesturströnd Bandaríkjanna. Félagar okkar á Smass bjóða upp á pantanir á netinu og sitthvað fleira gott á staðnum þeirra við Fitjar.
Það var Kristín Örlygsdóttir formaður KKD UMFN og Egill Ólafsson frá Smass sem nýverið undirrituðu samstarfssamninginn en þegar hafa meistaraflokkar Njarðvíkur bragðað á gæðunum eins og myndirnar hér að neðan sýna glögglega.
Þess má geta að næsti SMASS-leikur í Njarðvík er viðureign Njarðvíkur og ÍR í Subwaydeild karla. Ef Njarðvík nær 100 stigum þann leikinn þá er aftur í boði frír SMASS-ostborgari daginn eftir fyrir alla þá sem áttu miða á leikinn!
