Í kvöld hefst 18. umferðin í Bónusdeild karla og það er risa leikur í IceMar-Höllinni. Nýkrýndir bikarmeistarar KR koma þá í heimsókn og hefst viðureignin kl. 19:15.
Við ætlum að mála pallana græna enda baráttan um sæti í úrslitakeppninni í algleymingi. Okkar menn sitja í 9. sæti deildarinnar með 12 stig en ÍR og Álftanes í næstu tveimur sætum fyrir ofan bæði með 14 stig.
Það þarf ekki að hafa áhyggjur af eldamennskunni í kvöld enda verða borgarar á boðstólunum í IceMar-Höllinni í kvöld. Komið í borgara fyrir leik og styðjum svo okkar menn til sigurs.
Fyrir fánann!
