Júlía Scheving Steindórsdóttir verður með Njarðvík í baráttunni í 1. deild á komandi leiktíð. Júlía söðlaði um og lék með Snæfell á síðasta tímabili en er nú mætt aftur í heimahagana. Körfuknattleiksdeild Njarðvíkur fagnar endurkomu Júlíu í grænt en hún og Ása Böðvarsdóttir Taylor sömdu við félagið um helgina.
Njarðvíkurliðið er skipað ungum og efnilegum leikmönnum þennan veturinn í bland við nokkra eldri leikmenn. Ljóst er að liðið fær öflugt verkefni í 1. deild kvenna og hefst baráttan strax um helgina þegar liðið heimsækir Grindavík í Mustad-Höllina 6. október kl. 16:30. Fyrsti heimaleikurinn er svo 13. október gegn Hamri kl. 16.30.