Í gær var Íslandsmeistaramót öldunga í klassískum kraftlyftingum haldið í íþróttahúsinu Digranesi en mótshaldari var Kraftlyftingadeild Breiðabliks. Keppt var í öllum aldursflokkum öldunga, yngstu keppendurnir fæddir 1986 og elsti 1942. Fjöldi gesta mætti til að hvetja sitt fólk. Íslandsmet féllu hægri vinstri sem og margar persónulegar bætingar.
Benedikt Björnsson varð Íslandsmeistari í sínum flokk. Hann keppir í -83kg flokki í M1. Hann tók í hnébeygju 220kg, í bekkpressu lyfti hann 145kg, í réttstöðulyftu setti hann Íslandsmet þegar hann lyfti 265kg. Benedikt var einnig stigahæstur karla á mótinu.
Elsa Pálsdóttir varð Íslandsmeistari í sínum flokki. Hún keppti í -84 kg flokk í M3. Í Hnébeygju lyfti hún mest 147,5kg, í bekkpressu 60kg og tók svo 170,5kg í réttstöðulyftu. Elsa setti 8 Íslandsmet í gær.
Jens Kristinsson varð Íslandsmeistari í sínum flokki. Hann keppti í -105kg flokk í M3. Hann lyfti í hnébeygju 165kg, tók 107,5kg í bekkpressu og svo tók hann 200kg í réttstöðulyftu.
Stórkostlegur árangur hjá fólkinu okkar. Það er ekki nema 9 dagar síðan að Elsa og Jens voru á EM í búnaði. Þau gefa ekkert eftir og uppskera því sem þau sá. Til hamingju með árangurinn.
Heildarúrslit má sjá HÉR