Helena Rafnsdóttir og Körfuknattleiksdeild Njarðvíkur hafa framlengt samningum sín á milli til næstu tveggja ára. Helena var með 8,6 stig og 4,4 fráköst að meðaltali í leik með Njarðvík á síðasta tímabili og var ein af kjölfestunum í öflugum varnarleik liðsins.
Einar Árni þjálfari Njarðvíkurliðsins sagðist gríðarlega ánægður með að Helena haldi vegferðinni áfram með Njarðvík næstu tvö tímabil. „Helena var frábært fyrir okkur í vetur varnarlega og mjög vaxandi sóknarlega,“ sagði Einar en Helena skaut m.a. 42% í þristum í úrslitakeppninni.
„Helena er einn af leiðtogum okkar hóps og hefur öðlast mikla reynslu á síðustu árum bæði með Njarðvík og í háskólaboltanum í Bandaríkjunum. Við erum bara feyki spennt að sjá hana halda áfram vaxa og dafna í okkar umhverfi á næstu árum,“ sagði Einar Árni þjálfari.
Helena hefur leikið alls 65 leiki fyrir Njarðvík í deild og úrslitakeppni úrvalsdeildar og vermir 33. sætið yfir stigahæstu leikmenn félagsins í úrvalsdeild frá upphafi með 440 stig.