Í kvöld lýkur sautjándu og næstsíðustu umferð deildarkeppninnar i Bónusdeild kvenna áður en deildinni verður skipt upp í A og B hluta. Njarðvík tekur þá á móti nýliðum Ármanns í IceMar-Höllinni og stigin tvö eru mikilvægt enda baráttan engri lík við toppinn. Viðureignin hefst kl. 19:15.
Við hvetjum alla Njarðvíkinga til að mæta en sérlegir gestir okkar í kvöld verða leikmenn frá yngri flokkum kvenna í BMS Herlev sem eru í heimsókn á Íslandi um þessar mundir. Herlev leikur einmitt tvo leiki í Ljónagryfjunni í dag gegn stelpum frá Njarðvík í árgöngum 2009, 2010 og 2011.
Stigin sem í boði eru í kvöld eru af dýrari gerðinni í svona toppbaráttu, Ármann berst við botninn og er að slást fyrir tilverurétti sínum í deildinni en Ljónynjurnar okkar berjast um toppsætið, með sigri í kvöld jafna þær Grindavík og KR að stigum á toppi deildarinnar.
Sjáumst í IceMar-Höllinni í kvöld – fyrir fánann!
