Þá er komið að því. Fyrsti leikur Njarðvíkurkvenna í Domino´s-deildinni tímabilið 2017-2018 er í kvöld þegar Skallagrímur kemur í heimsókn í Ljónagryfjuna kl. 19:15.
Spámenn spakir gera ráð fyrir brekku fyrir Njarðvíkurliðið þessa leiktíðina en okkar konur ætla að blása hana af sér og því mikilvægt Njarðvíkingar að fjölmenna í Ljónagryfjuna í kvöld og styðja okkar konur til sigurs.
Við minnum á að fyrir leik verður hægt að endurnýja aðild sína eða ganga í stuðningsmannaklúbb deildarinnar, Grænu Ljónin. Fulltrúi stjórnar verður á staðnum til að liðsinna við endurskráningar sem og nýskráningar.
Karfan.is ræddi við Hallgrím þjálfara á árlegum blaðamannafundi KKÍ í gær þar sem hann tjáði sig m.a. um spá formanna, fyrirliða og forrráðamanna liða í deildinni.
Sjáumst í Gryfjunni!
#ÁframNjarðvík
#ReppaGrænt
