300 leikir hjá Loga GunnarssyniPrenta

Körfubolti

Fyrir viðureign Njarðvíkur og Keflavíkur í Domino´-deild karla afhendi stjórn KKD UMFN fyrirliðanum Loga Gunnarssyni viðurkenningu fyrir að hafa leikið 300 leiki fyrir Njarðvík á Íslandsmóti í meistaraflokki.

Logi er þar með orðinn sjöundi leikjahæsti leikmaður Njarðvíkur frá upphafi og á aðeins örfáa leiki eftir í að klifra ofar á listann til að taka fram úr Kristni Einarssyni.

Það var Brenton Birmingham varaformaður KKD UMFN sem afhenti Loga viðurkenningarskjöld fyrir áfangann og leysti hann einnig út með veglegri ferð í Bláa Lónið.

Mynd/ Logi og Brenton við heiðrun þess fyrrnefnda fyrir 300 leiki á vegum Körfuknattleiksdeildar Njarðvíkur á Íslandsmóti meistaraflokka.