Boðið verður upp á sætaferðir í Síkið á laugardag þegar fjórða undanúrslitaviðureign Njarðvíkur og Tindastóls fer fram. Leikurinn hefst kl. 19:15 og er skráning í sætaferðirnar hafin. Fyrstur kemur, fyrstur fær – en frítt verður í rútuna!
Lagt verður af stað frá Ljónagryfjunni laugardaginn 29. apríl kl. 13.00 og hvetjum við alla til að vera mættir í Ljónagryfjuna kl. 11:45 þar sem 9. flokkur kvenna er að leika í undanúrslitum Íslandsmótsins.
Brottför er á slaginu kl. 13.00 og þeir sem eru undir lögaldri þurfa að fá heimild forráðamanns til að ferðast með rútunni. Forráðafólk er beðið um að senda leyfin á umfnbasket@gmail.com
Verum nú snögg að næla okkur í sæti og sjáumst í Síkinu – þetta verður einn svaðalegur leikur!
Fyrir fánann og UMFN!
#ÁframNjarðvík