Reykjanesbæjarmót

Okkur tekur það sárt að tilkynna að því miður verðum við að blása fyrirhugað Reykjanesbæjarmót af, v/ónægrar þátttöku.

Það vantaði lítið upp á til að vera mótafært, en eftir vandlega íhugun var þetta niðurstaðan.

Aðstaða til að halda stórt mót á 11 manna völlum er orðin mjög góð í Reykjanesbæ, þar sem við getum m.a. boðið upp á marga velli í fullri stærð á litlu svæði.

Við fórum full seint af stað með að auglýsa mótið og gerðum okkur fulla grein fyrir því að erfitt gæti reynst að ná nægri þátttöku með svo stuttum fyrirvara, en vildum samt láta á reyna.

Samt sem áður hafa verið mjög góð viðbrögð hjá mörgum félögum með þetta framtak okkar, en  mörg félög eru að fara erlendis þessa daga og sáu sér því ekki fært að mæta á mótið í ár.

Við ætlum ekki að leggja árar í bát, þrátt fyrir byrjunarörðuleika, og ætlum sannarlega að reyna aftur að ári, að koma mótinu á fót og vera þá mun fyrr á ferðinni að auglýsa mótið.

Við þökkum þeim félögum, sem skráðu sig í mótið, kærlega fyrir og vonum að þetta komi ekki illa að sök varðandi skipulag sumarsins hjá þínu félagi.



Keppnissvæðið


Sundlaugarfjör 2010


Frá leik Breiðabliks og Fjölnis 2010