Rafael Alexandre Romão Victor til liðs við Njarðvík!
Portúgalski framherjinn Rafael Victor hefur skrifað undir samning við Njarðvíkurliðið um að leika með liðinu í sumar í Lengjudeildinni.
Rafael sem er 26 ára gamall lék með Hetti/Huginn í 2.deildinni í fyrra og hafði áður leikið með Þrótti Reykjavík í Lengjudeildinni tímabilið 2019/2020.
Framherjinn stóri og stæðilegi hefur alls leikið 43 leiki í keppnum á vegum KSÍ og skorað í þeim 25 mörk.
Rafael er nú að spila með Sertanense í heimalandi sínu, en er væntanlega í framhaldinu til Njarðvíkur í byrjun næsta mánaðar.
Auk Íslands og Portúgals hefur Rafael leikið í Ísrael og Póllandi.
Knattspyrnudeildin býður Rafael hjartanlega velkominn til félagsins.