Norðurlandamót Senior í Ólympískum lyftingum fór fram í Kaupmannahöfn, Dannmörku 12-13.nóvember. Keppendur frá Íslandi voru þau Árni Rúnar Baldursson (LFK), Daníel Róbertsson (LFK), Amalía Ósk Sigurðardóttir (LFM), Eygló Fanndal Sturludóttir (LFK), Helena Rut Pétursdóttir (Hengill), Heiðrún Stella Þorvaldsdóttir (Hengill) og Katla Björk Ketilsdóttir frá Massa. Þjálfarar voru þeir Einar Ingi Jónsson og Ingi Gunnar Ólafsson.
Okkar kona, Katla Björk átti flott mót og varð í þriðja sæti í -64kg flokki kvenna með 238,9 sinclair stig. Hún lyfti 81kg í snörun og 103kg í jafnhendingu sem er nýtt Íslandsmet. Samanlagður árangur var því 184kg sem var einnig nýtt Íslandsmet, bæði í U23 og Senior flokki kvenna.
Katla Björk hefur keppt fyrir Massa og Ísland síðan 2016 með virkilega góðum árangri. Hún á best 83kg í snörun og nú 103kg í jafnhendingu. Hún varð Evrópumeistari í U23 flokki kvenna í september og stefnir á HM Senior í Usbekistan í desember. Það verður virkilega spennandi að fylgjast með hvað hún gerir þar.
Ljósmyndir © Eyþór Ingi Einarsson 2021
