Jan og Krista hlutu Áslaugar- og ElfarsbikarinnPrenta

Körfubolti

Lokahóf yngri flokka UMFN 2022-2023

Lokahóf yngri flokka körfuknattleiksdeildar Njarðvíkur fór fram í Ljónagryfjunni í dag. Krista Gló Magnúsdóttir hlaut þá Áslaugarbikarinn og Jan Baginski hlaut Elfarsbikarinn. Verðlaun voru veitt fyrir leikmenn ársins og mestu framfarir í 7.flokki og upp úr en iðkendur í minibolta voru leystir út með viðurkenningarskjölum fyrir eljusemi sína í vetur.

Myndasafn frá lokahófinu

Áslaugar- og Elfarsbikarinn eru afhentir efnilegustu leikmönnum félagsins á yngriflokka aldri og þeim sem eru fyrirmyndir fyrir yngri leikmenn utan sem innan vallar. Áslaugarbikarinn er nú afhentur í níunda sinn en hann er gefinn til minningar um Áslaugu Óladóttur af fjölskyldu hennar.

Elfarsbikarinn hefur verið afhentur í  32 ár en Elfarsbikarinn er gefinn af fjölskyldu Elfars heitins Jónssonar.

Bæði Áslaug og Elfar voru virk í starfi körfunnar í Njarðvík og voru fulltrúar frá fjölskyldum þeirra sem afhenda bikarana í dag. Það má geta þess að þessir bikarar eru veittir leikmönnum sem hafa lokið grunnskóla.

Það voru Ásta Óladóttir Dorsett systir Áslaugar sem afhenti Kristu Áslaugarbikarinn og Jón Þór Elfarsson sonur Elfars sem afheti bikarinn fyrir hönd fjölskyldu Elfars.

Krista Gló Magnúsdóttir.

Krista Gló er leikmaður meistaraflokks kvenna og 12.flokks. Hún hefur spilað í meistaraflokki síðustu 3 ár og varð Íslandsmeistari á síðasta tímabili með liðinu. Þrátt fyrir ungan aldur er hún komin með mikla reynslu í meistaraflokki. Hún átti flottar innkomur í vetur í Subway deildinni og átti einnig frábæra leiki í 12. flokk. Hún hefur einnig verið leikmaður í yngri landsliðum Íslands síðustu ár. Krista Gló er mikil fyrirmynd utan vallar og innan, hún þjálfar einnig hjá félaginu og frábær fyrirmynd yngri leikmanna félagsins.

Við óskum Kristu Gló innilega til hamingju.

Jan Baginski

Elfarsbikarinn í ár hlaut Jan Baginski leikmaður ungmennaflokks og  meistaraflokks félagsins. Hann var  lykilmaður í ungmennaflokki í vetur og átti mikinn þátt í góðum sigrum hjá þeim á sterkum liðum. Jan lék einnig í Subway deildinni með meistaraflokki karla og nýtti tækifæri sín vel sem hann fékk í vetur. Jan er duglegur og æfir vel aukalega bæði í lyftingar- og körfuboltasalnum. Hann er flott fyrirmynd fyrir unga leikmenn. Það verður spennandi að fylgjast með Jan í framtíðinni.

Við óskum Jan  innilega til hamingju.

Verðlaunahafar á lokahófi yngri flokka 2022-2023

Besta mæting á morgunæfingar á tímabilinu:
Gréta Björg Rafnsdóttir úr 7.flokki kvenna.

7.flokkur stúlkna

Mestu framfarir: Dagbjört Dóra Kristmannsdóttir
Leikmaður ársins: Karen Ósk Lúthersdóttir

8. flokkur drengja

Mestu framfarir: Sigmundur Þengill Þrastarson
Leikmaður ársins: Almar Orri Jónsson

8.fl stúlkna

Mestu framfarir: Helena Mist Gabríelsdóttir
Leikmaður ársins: Þorgerður Tinna Kristinsdóttir

9. og 10. flokkur stúlkna

Mestu framfarir: Ásta María Arnarsdóttir
Leikmaður ársins: Hulda María Agnarsdóttir

9.flokkur drengja

Mestu framfarir: Danielius Andrijauskas
Leikmaður ársins:Patrik Joe Birmingham

11.flokkur drengja

Mestu framfarir: Bragi Hilmarsson
Leikmaður ársins: Heimir Gamalíel Helgason

12.flokkur kvenna

Mestu framfarir: Lilja María Sigfúsdóttir
Leikmaður ársins: Ólafía Sigríður Árnadóttir

12.flokkur karla

Mestu framfarir: Sigurður Magnússon
Leikmaður ársins: Sigurbergur Ísaksson

Ungmennaflokkur karla

Mestu framfarir: Sigurbergur Ísaksson
Leikmaður ársins: Jan Baginski