Guðmundur með bronsmerki Glímusambands ÍslandsPrenta

Júdó

Guðmundur með bronsmerki Glímusambands Íslands

 

56. ársþing GLÍ fór fram 30. maí í íþróttaakademíunni í Reykjanesbæ. Þingið fór mjög vel fram og mynduðust skemmtilegar umræður. Guðmundur Stefán Gunnarsson, fékk bronsmerki GLÍ, fyrir störf í þágu Glímunnar.  Glíman hefur verið  stór hluti af þeim tegundum fangbraða sem kennd eru í Reykjanesbæ. En Njarðvíkingar eiga eins og margir vita heims, evrópu og íslandsmeistara í hinum ýmsu fangbrögðum.

Guðmundur notaði tækifærið og hrósaði Glímusambandinu fyrir hlut kvenna á þinginu og í stjórn sambandsins, en stjórn sambandsins er skipuð fimm konum og þremur körlum og um helmingur þinggesta voru karlar og helmingur konur.  

Júdódeild UMFN hefur einmitt aukið hlut kvenna í fangbrögðum gífurlega síðustu tvö árin. Kynjahlutfallið í deildinni er sirka jafnt og má það þakka mikilli vinnu stjórnar og þjálfurum deildarinnar. Júdódeild UMFN er nefnilega skipuð þremur körlum og tveimur konum og þjálfarateymið eru skipað einum karli og þremur konum.  

Guðmundur var svo endurkjörinn í stjórn Glímusambandsins í þinglok og hefur setið í stjórn og eða varastjórn sambandsins síðan 2015.