Haukar komu fram hefndum í 3. leiknum gegn Njarðvíkurstúlkum á miðvikudagskvöldið, í viðureigninni um íslandsmeistaratitilinn í körfuknattleik kvenna.  Lokatölur voru 66-69 Haukum í vil.

Okkar stelpur höfðu frumkvæðið allt fram í 4. leikhluta, í troðfullri Ljónagryfju, en Haukar náðu að jafna með ótrúlegum dugnaði og knýja fram sigur í lokin.

Staðan er því 2-1 og því er einvígið orðið galopið, en við vitum að stelpurnar eru ekki sáttar við spilamennskuna í 4. leikhluta og stefna að því að leggja allt í sölurnar á Ásvöllum á morgun, laugardag.

Njarðvík 66-69 Haukar, leikur 3: 66-69 (21-11, 12-11, 18-22, 15-25)

Lið Njarðvíkur: Shanae 22/8 fráköst/3 varin skot, Lele 17/18 fráköst, Petrúnella 11/6 fráköst, Harpa Rakel 6/7 fráköst, Ingibjörg Elva 3, Ína María 3, Ólöf Helga 2/4 fráköst, Dalla 2.  Einnig léku: Erna, Eyrún Líf, Andrea Björt, en Sara Dögg kom ekki við sögu.

Umfn.is hvetur alla Njarðvíkinga og nærsveitamenn til að fjölmenna og styðja stelpurnar!

Áfram Njarðvík!!

Áhangendur Njarðvíkur hafa stutt dyggilega við bakið á stelpunum í vetur. (myndi: karfan.is).