Frábæru Nettómóti lauk í gær en óborganlegt var að fylgjast með ungviðinu leika listir sínar um helgina.  Met þáttaka var í ár á 20 ára afmæli mótsins og er talið að yfir 1000 keppendur hafi tekið þátt.  Auk þess voru hundruðir þjálfara, liðsstjóra, foreldra/forráðamanna og aðrir gestir auk ótal sjálfboðaliða sem sinntu hinum ýmsu störfum á mótinu. Mótið í ár taldist heppnast afar vel að þessu sinni og eftir samtöl við nokkra hressa krakka þá var ekki annað að sjá og heyra en gleðin hafi verið alls ráðandi. 

Umfang móts eins og þessa er gríðarlegt enda um stærsta körfuboltamót sögunnar hér á landi!  Auðvitað koma upp einhverjir hnökrar en menn leystu það af bestu getu, yfir heildina séð heppnaðist framkvæmd mótsins gríðarlega vel og geta Njarðvíkingar & Keflvíkingar verið stollt af þessu frábæra móti.  Mótið er samstarfsverkefni unglingadeilda UMFN og Keflavíkur og vill unglingaráð KKD UMFN koma á framfæri gríðarlegu þakklæti til okkar félagsmanna sem fjölmenntu í þau sjálfboðaliðastörf sem UMFN þurfti að manna. Keflvíkingar stóðu sig ekki síður vel og eins og fyrr segir þá er mótið báðum félögum til mikils sóma. 

 Hér að neðan er eitt flott myndasafn frá mótinu af karfan.is en við vonum að allir hafi notið þessa Nettómóts 2010!

http://www.karfan.is/frettir/2010/03/06/nettomotid:_myndasafn