Unglingaflokkur karla tekur á móti Valsmönnum í kvöld í Íslandsmótinu.  Leikurinn hefst 20:15 í Ljónagryfjunni.

Það má búast við hörkuleik, enda bæði lið að berjast við að klifra ofar í töflunni.  Njarðvíkurliðið hefur sigrað í 9 leikjum og tapað 3 og Valsmenn eru í sömu stöðu.  Haukar sem eru efstir, töpuðu sínum þriðja leik um helgina gegn Tindastól og ef Njarðvíkurliðið vinnur sína leiki þá komast þeir á toppinn þar sem þeir hafa betur innbyrðist gegn Haukunum.

Mynd:  Rúnar Ingi gegn Haukum í Ljónagryfjunni.

Önnur lið í toppbaráttunni eru semsagt Haukar en þeir hafa unnið 12 leiki en tapað 3 og eiga eftir toppleik gegn Val.  Tindastóll hefur unnið 9 leiki en tapað 4 og Keflavík hefur unnið 9 leiki en tapað 5.
Fjögur lið komast í úrslitakeppnina sem verður leikin 23.- 25. apríl nk.

Heimasíðan hvetjur Njarðvíkinga til að fjölmenna á völlinn í kvöld, ÁFRAM NJARÐVÍK !