Knattspyrnugoðsögnin Ásgeir Sigurvinsson hefur skrifað undir samning við knattspyrnudeild Njarðvíkur og mun m.a. vera stjórn deildarinnar innan handar og aðstoða þjálfara félagsins.
Ásgeir er enn í mjög góðu formi enda hefur hann alla tíð haldið sér vel við og þá er aldrei að vita nema hann muni leika með liðinu í sumar. Þarf ekki að fjölyrða um hversu mikill hvalreki koma Ásgeirs er fyrir knattspyrnudeildina.
B-lið Njarðvíkur mun í dag leika æfingaleik gegn Hamarsmönnum í Reykjaneshöllinni klukkan 13:00 og verður Ásgeir í leikmannahóp.
Í stuttu spjalli við Ásgeir sagðist hann finna fyrir mikilli tilhlökkun að vera aftur kominn í boltann og reima á sig skóna. Hvetur stjórn knattspyrnudeildarinnar áhorfendur að mæta í Reykjaneshöllinni í dag og fylgjast með liðinu. Ekki síst að sjá hvort þjálfarar liðsins muni sjá ástæðu til að tefla goðsögninni Ásgeiri Sigurvinssyni fram.
Á myndinni má sjá Ásgeir Sigurvinsson og Jón Einarsson formann Knattspyrnudeildar Njarðvíkur handsala samninginn.