Aðalfundur UMFN 2021Prenta

UMFN

Aðalfundur UMFN var haldinn í gærkvöld miðvikudaginn 17.3.2021. Ágætis mæting var á fundinn, sem var markaður sóttvarnaraðgerðum þetta árið. Ólafur Eyjólfsson var en-durkjörinn sem formaður, og var sitjandi stjórn endurkjörin að undanskilinni tveimur breytingum, þ.e., Þórdís Björg Ingólfsdóttir varamaður var kjörin aðalmaður í stað Jennýjar L. Lárusdóttur og varamaður kjörinn Hámundur Örn Helgason í stað Þórdísar.
Formaður fór yfir ársskýrslu stjórnar.

Gunnar Þórarinsson fór yfir ársreikning félagsins og var hann samþykktur samhljóða. Gestir frá UMFÍ þeir Guðmundur Sigurbergsson og Lárus B. Lárusson heimsóttu okkur og tók Guðmundur til máls og fór í stuttu máli yfir s.l. ár þar sem engin mót voru haldin á vegum UMFÍ, en stefnt væri að mótum þetta árið. Hann minnti einnig á að stór hluti tekna UMFN sem og annarra félaga komi frá Ísl. Getspá og sem er afar mikilvægt í rekstri félaganna, en því miður eru erlend félög stórtæk hér á landi og skila engum tekjum til félaganna. Guðmundur kom færandi hendi þar sem hann veitti Ólafi Eyjólfssyni starfsmerki UMFÍ sem “veitt er fyrir frábært átak eða afrek í félagsstörfum, skipulagsstörfum, framkvæmdastjórn eða á íþróttasviði. Til grundvallar þarf ekki að liggja langt samfellt starf”.

 

Heiðursviðurkenningar voru veittar eftirtöldum.

Silfurmerki UMFN: Veitt fyrir 15 ára frábært starf/keppni í þágu félagsins.
Sigurður H. Ólafsson              fyrir knattspyrnudeildina

Bronsmerki:    Veitt fyrir 10 ára frábært starf/keppni í þágu félagsins.
Anna Gunnlaugsdóttir fyrir sunddeildina
Einara Lilja Kristjánsdóttir fyrir aðalstjórn/körfukn.d.
Guðbjörg Jónsdóttir fyrir þríþrautardeildina
Gunnlaug F. Olsen fyrir lyftingadeildina
Guðmundur S. Gunnarsson fyrir júdódeildina

 

Ólafur Thordersen afhenti Ólafsbikarinn, að þessu sinni til Guðnýjar B. Karlsdóttir fyrir starf hjá unglingaráði körfuknattleiksdeildarinnar, þar sem hún hefur verið í stjórn í um 12 ár og þar af sem formaður frá 2018.. Mikil ábyrgð er á herðum unglingaráðsins og hefur Guðný stýrt þessu af mikilli elju og dugnaði með sinni stjórn.

Nokkrir stigu í pontu þ.á.m., Friðjón Einarsson og fór yfir framkvæmdir Reykjanesbæjar í bæjarfélaginu sem muni nýtast íþróttafélugnum og gjörbreyta allri aðstöðu, sem og framlag bæjarins með tilkomu rekstrarsamningsins í upphafi s.l. árs.

Framkvæmdastjóri Jenný L. Lárusdóttir sagði að Reykjanesbær hafi staðið sig gríðarlega vel á s.l. ári hvað varðar stuðnig við félögin í bænum, og tiltekur sérstaklega rekstrarsamninginn sem kom inn á mjög erfiðum tíma rétt fyrir Covid-19 , og hafi hjálpað mikið við rekstur deildanna og ber að þakka bænum sérstaklega fyrir sinn góðan stuðning.