Ásdís Vala Freysdóttir er leikmaður með tíunda og stúlknaflokk UMFN.  Þessi stelpa sem er fædd árið 1994 hefur alla sína tíð spilað með UMFN og er í gríðarlegri framför um þessar mundir.  Ásdís er duglegur leikmaður sem gefur aldrei tommu eftir og er lykilleikmaður í skemmtilegum 10.flokk kvenna ásamt því að vera sífellt mikilvægari leikmaður hjá stúlknaflokki.  Agnar Mar Gunnarsson er þjálfarinn hennar í vetur og er mikið um að vera þennan veturinn.  Foreldrar Ásdísar Völu eru þau Þórdís Björg Ingólfsdóttir og Valgeir Freyr Sverrisson.

Ásdís Vala stóð sig afar vel um síðustu helgi þegar að UMFN stúlkur spiluðu í Grindavík. Þrátt fyrir meiðsli sigruðu stelpurnar 2 leiki og áttu glimrandi mót og átti Ásdís mikinn þátt í því.  Í vor fór Ásdís ásamt liðsfélögum sínum í æfingaferð til Boston sem var mikið ævintýri.  Stelpurnar voru félaginu til mikils sóma þar og var ferðin mjög eftirminnileg.  Ásdís hefur alltaf verið dugleg að vinna fyrir félagið sitt og er öðrum mikil fyrirmynd.  Verður spennandi að fylgjast með henni í framtíðinni en kvennastarf UMFN er afar blómlegt um þessar mundir og félagið sett sér háleit markmið í kvennaboltanum.

Þessi flotti leikmaður er næsti þáttakandinn í “stutt og laggott” nýjum lið á umfn.is/karfan þar sem hver sem er tengdur körfuboltanum í Njarðvík getur verið tekinn fyrir.  Við óskum Ásdísi og félögum góðs gengis í vetur....stutt og laggott.

Fullt nafn: Ásdís Vala Freysdóttir

Staða á vellinum:  Bakvörður

Getur þú troðið? Nei.

Eftirminnilegasti leikur á ferlinum? Þegar við unnum Grindavík í undanúrslitum í bikarnum í fyrra ;)

Furðulegasti liðsfélaginn? R. Alma Snæbjörnsd.

Fyrsti þjálfarinn þinn? Brenton og Gunnhildur

Besti leikmaður Íslands frá upphafi karla/kvenna? Jón Arnór Stefánsson og Helena Sverrisdóttir

Fyrirmynd þín á vellinum? Andri Fannar bróðir ;)

Hverjir verða meistarar í ár í NBA? Lakers

Lið í enska boltanum? Liverpool

Ef þú ættir að stofna nýtt körfuboltalið á Íslandi hvað myndi það heita? Eldingin

Hvað er skemmtilegast við körfuboltann? sigur, klárlega best!

Hvers vegna eiga stuðningmenn UMFN að mæta á alla leiki? Til að styðja sína menn og horfa á skemmtilegan körfubolta

Takk kærlega fyrir þetta Ásdís Vala.  Við óskum stúlkunum í 10 og stúlknaflokk góðs gengis í vetur og vonandi fjölmenna okkar stuðningsmenn á alla leiki okkar iðkenda í vetur.

Áfram Njarðvík!

Ásdís Vala (til vinstri) er hér á góðri stundu á uppskeruhátíð félagsins 2008