UMFN átti fjóra fulltrúa á Copenhagen invitational sem er alþjóðlegt mót sem Danir halda fyrir U15 landsliðin.  Það voru þær Aníta Kristmundsdóttir Carter og Guðlaug Björt Júlíusdóttir sem voru í stúlknalandsliðinu en þar leika þær undir stjórn Margrétar Sturlaugsdóttur sem þjálfar jafnframt hjá UMFN.

Þeir Maciej Stanislaw Baginski og Tómas Orri Grétarsson voru svo í drengjalandsliðinu og var Maciej fyrirliði liðsins enda orðinn gríðarlega reyndur, hafandi tekið þátt í þessu móti tvisvar áður og þegar spilað tvö Norðurlandamót með U16.  Þjálfari drengjalandsliðsins er Ingi Þór Steinþórsson.

Mynd: Guðlaug Björt, Aníta, Maciej, Tómas Orri.

Íslensku liðin léku vel á mótinu og uppskáru bæði silfurverðlaun í mótinu.  Okkar fólk þótti standa sig vel og þau Guðlaug Björt og Maciej voru í hópi stigahæstu manna í sínum liðum og þá var Maciej valinn í úrvalslið mótsins.

Heimasíðan óskar okkar fólki og landsliðunum í heild til hamingju með flottan árangur á mótinu.  Okkar krakkar eru þegar farin af stað með Afreksskóla UMFN og ætla að æfa vel í sumar og mæta enn sterkari til leiks í haust.