Sumaræfingar fyrir yngri iðkendur félagsins hefjast mánudaginn 14. júní.  Sumaræfingar verða byggðar upp með einstaklingsmiðuðum séræfingum og lögð áhersla á að vinna með tækni leikmanna og að sjálfsögðu ætlum við að hafa gaman af því að æfa vel í sumar.  Þrír vinnuhópar verða í gangi en allar æfingar fara fram í Ljónagryfjunni, íþróttamiðstöð Njarðvíkur:

*  Dugnaðarforkar UMFN
Dugnaðarforkar er vinnuheiti á æfingahópnum sem við bjóðum upp á fyrir þá iðkendur sem vilja bæta sig í sumar en þar verður rétt eins og í Afreksskólanum lagt áherslu á einstaklingsmiðaðar séræfingar.  Æfingarnar eru opnar fyrir iðkendur fædda 2002 til 1994 og fyrir bæði kyn.  Stefnt er að því að skipta hópnum upp í minniboltaiðkendur og svo eldri iðkendur.  Æfingar eru þrisvar í viku frá 16:00-17:30. 
Æfingadagar eru eftirtaldir: 14. - 15. & 16. júní / 21. - 22. & 23. júní / 28. - 29. & 30. júní / 5. - 6. & 7. júlí / 19. - 20. & 21. júlí / 4. - 5. - & 6. ágúst. 
ATH að þær vikur sem körfuboltaskólinn fer fram eru dugnaðarforkar ekki á æfingum en þeir eru hvattir til að fara í körfuboltaskólann.
Sumaræfingar kosta einungis 5000 krónur.

*  Körfuboltaskóli UMFN
Körfuboltaskólinn verður haldinn tvisvar í sumar.  Fyrri skólinn verður 12. til 16. júlí og sá síðari 9. til 13. ágúst.  Þar er semsagt um alla fimm virku dagana að ræða og verður skólinn frá 13:30-15:30.  Körfuboltaskólinn er fyrir iðkendur fædd 2002 til 1995.  Stefnt er að því að fá góða gesti í körfuboltaskólann í sumar.  Körfuboltaskólinn kostar 3000 krónur.

*  Afreksskóli UMFN
Afrekshópur er starfandi annað sumarið í röð og æfa krakkarnir alla virka daga frá 09:30-11:30.  Það er valinn hópur sem er í Afreksskóla og komast færri að en vilja í þennan hóp.

Umsjón með sumarstarfi hefur Einar Árni Jóhannsson yfirþjálfari yngri flokka en einnig koma aðrir þjálfarar félagsins sem og leikmenn úr Afreksskóla til með að aðstoða bæði í Körfuboltaskóla og hjá dugnaðarforkum.

Skráningar í Dugnaðarforka sem og Körfuboltaskóla fara fram í gegnum netfangið sumarkarfa@gmail.com en þar má einnig fá nánari upplýsingar vegna sumarstarfsins hjá Unglingaráði, eða hjá Einari Árna í síma 618-7007.  Hægt er að staðgreiða sumargjaldið eða fá sendan greiðsluseðil.