Vikuannállinn spannar reyndar heilar tvær vikur núna. Yngstu flokkarnir hafa ekkert verið við keppni að undanförnu og svo og 5. flokkur drengja síðan á N 1 mótinu sem búið er að fjalla sérstaklega um.

2. flokkur 
Hefur leikið þrjá leiki að undanförnu fyrst gegn Sindra á Höfn en þeim leik lauk með jafntefli 2 - 2, mörk okkar gerðu þeir Agustine A Odion og Aron Hlynur Ásgeirsson. Svo heimsóttu þeir Hamar í Hveragerði og sigruðu 1 - 2 með mörkum þeirra Andra Ástþórssonar og Aron Hlyns. Þriðji leikurinn var gegn topplið HK hér heima sem endaði með 1 - 4 tapi í annars ágætum leik strákanna, mark okkar gerði Helgi Þór Jónsson. 

3. flokkur
Lék tvo leiki hér heima og bar sigur úr bítum í þeim báðum. Sá fyrri var hörkuleikur gegn Dalvík sem endaði 3 - 2 en í honum gerði Kristinn Sv. Kristinsson tvö mörk og Ari Már Andrésson sigurmarkið á lokamínótunum. Seinni leikurinn var nágrannaslagur gegn Grindavík sem endaði 1 - 0 með marki Asgeirs Jónssonar í fyrrihálfleik,

3. flokkur stúlkna
Hafa leikið nokkra leiki undanfarnar tvær vikur fyrst var það heimaleikur við HK/Víking. Leikurinn endaði 3-6 fyrir HK/Víking. Mörk okkar skoruðu: Helena Fanney, Rósmarý Kristín og Rakel Þráinsdóttir. Stelpurnar hefðu getað skorað fleiri mörk ef færin hefðu verið nýtt, en ágætis leikur hjá stelpunum þrátt fyrir tap. Síðan léku þær við KRinga og skelltu þeim 1 - 6 á þeirra heimavelli. Besti leikurinn hjá stelpunum í sumar og uppskáru þær góðan sigur eða 1-6. Mörkin skoruðu: Rakel Þráinsdóttir 2, Aníta, Helga Eden, Rósmarý Kristín og Ása allar með eitt mark hver. Þriðji leikurinn var  svo við FH2 16. júlí. Síðasti leikur við FH2 fór 7-0 fyrir Hafnarfjarðarliðinu. Stelpurnar áttu mun betri leik nú en endaði leikurinn 1-6 fyrir FH2. Mark okkar skoraði Helena Fanney.
Mynd er úr KR leiknum af markaskorurunum Rósmarý og Ásu.

4. flokkur stúlkna
Spiluðu við Hrunamenn á Flúðum 12. júlí. Stelpurnar byrjuðu leikinn ekki nógu vel en náðu að komast inn í hann og komust í 3-1. Þær misstu svo leikinn niður og endaði hann 7-5 fyrir Hrunamönnum. Mörk okkar skoruðu: Hanna Stefanía 2, Indíana, Rósmarý og Rakel Þráinsdóttir með eitt mark hver.

Myndin er af markaskorurunum Rósmarý og Ásu gegn KR.

Ásgeir Jónsson gerði eina markið gegn Grindavík

Barist um boltann gegn Grindavík

Hluti af 5. flokki á Akureyri á N 1 mótinu

Töflufundur fyrri leik á Akureyri