Það var þó nokkuð um að vera hjá yngri flokkunum í liðinni viku og fyrsta stórmótið fór fram yfir sl. helgi en það var Norðurálsmótið í 7. flokki.

7. Flokkur
Norðurálsmótið á Akranesi fór fram um síðustu helgi. Þetta mót er stærsta og flottasta mótið í þessum aldursflokki. Njarðvík var með tvö lið skráð til leiks. Þórir þjálfari skipti liðunum eftir aldri. Eldra árið var saman í liði og yngra árið var saman. Mótið var frábært í alla staði og skemmtu allir sér konunglega, foreldrar og þjálfarar ekki síður en strákarnir. Strákarnir allir voru til mikillar fyrirmyndar og stóðu sig frábærlega innan vallar sem utan. Gaman að segja frá því að bæði liðin unnu til verðlauna á mótinu og komu heim með tvo veglega eignarbikara fyrir sigur í sínum deildum. Myndasafn

6. Flokkur
Strákarnir í 6. flokki kepptu á Pollamóti KSÍ í síðustu viku en mót þetta er Íslandsmótið í 6. flokki. Fyrirkomulagið er þannig að liðinum er skipt í riðla og kemst efsta liðið í hverjum riðli í úrslitakeppnina sem fer fram síðar í sumar. Njarðvík var með þrjú lið skráð til leiks. A og B lið Njarðvíkur var með KR, FH og Snæfellsnesi í riðli að þessu sinni en okkar riðill fór fram á heimavelli KR í Vesturbænum. Strákarnir voru flottir, stóðu sig mjög vel, án þess þó að komast áfram í úrslitakeppnina að þessu sinni. C liðið spilaði svo daginn eftir í Grafarvogi við sömu lið, auk ÍBV og Fjölni og stóðu sig einnig mjög vel. Framundan er svo Shellmótið í Vestmannaeyjum í næstu viku.

5. flokkur
Engir leikir voru hjá 5. flokki í vikunni.

4. Flokkur
4. Flokkur lék sitt fyrsta fjölliðamót í 7 manna liða keppni Íslandsmótsins og var leikið hér heima. Fyrir utan okkur mættu til leiks Skallagrímur, Snæfellsnes og Þróttur Vogum. Snæfellsnes er efst eftir þetta fyrsta mót en Njarðvik er í öðru sæti. Næst verður leikið í Borgarnesi í júlí.

2. og 3. flokkur
Engir leikir voru hjá 2. og 3. flokki í vikunni.

3. flokkur st.
Spilaði við FH þriðjudaginn 12. júní í Kaplakrika. Leikurinn endaði 7-0 fyrir FH og voru FH stelpurnar mjög góðar. Við fengum þó okkar færi en FH liðið sterkara þennan daginn.

4. flokkur st.
4. flokkurinn var í leikjafríi þessa vikuna en nýttum við hana vel í æfingar fyrir framhald sumarsins. Tvær stelpur úr fjórða flokki léku þó með 3. flokki. Á laugardaginn fórum við stelpurnar svo saman á landsleikinn hjá kvennalandsliðinu í leik um sæti á EM 2013. Var það mjög skemmtilegt og skemmtu allir sér vel.

Myndirnar eru allar úr þessum verkefnum, fleiri myndir eru í umfjöllun á Facebook síðu okkar.