Í gær samþykkti Goran Lukic samning við Njarðvík um þjálfun 3. flokks félagsins.  Fyrsta æfing Gorans með flokkinn verður í Reykjaneshöllinni á sunnudaginn kl. 10.00. 
Goran sem er 37 ára gamall hefur lokið 4. stigi KSÍ.  Hann mun taka UEFA B próf eftir hálfan mánuð og uppfyllir þ.a.l. þær kröfur sem Njarðvík þar að fara eftir vegna leyfiskerfis KSÍ.

Sem leikmaður hefur Goran leikið hér á landi frá árinu 1997 þegar hann gekk til liðs við Víði Garði. Auk Víðis hefur hann leikið með Grindavík, Haukum og Stjörnunni við góðan orðstýr.  Fyrir stuttu gekk Goran á ný til liðs við Víði.

Ráðning Gorans eru góðar fréttir fyrir Njarðvík þar sem félagið hefur fengið inn þjálfara sem hefur mikinn áhuga og metnað að standa sig vel í starfi.  Knattspyrnudeildin bindur miklar vonir við störf Gorans hjá félaginu.

Mynd: Goran Lukic ásamt stjórnarmönnum úr barna- og unglingaráði Halldóri R. Guðjónssyni og Agnar N. Hafsteinssyni.