Njarðvík lék sinn fyrsta leik í Lengjubikarnum í gærkvöldi á Akranesi og tapaði 3 - 1 fyrir heimamönnum. Skagamenn byrjuðu leikinn með látum okkar menn virtust engan vegin vera í takt við leikinn og kanski einna síst aðstæðurnar en það var ansi kalt í Akraneshöllinni í gærkvöldi heldur kaldara en utanhúss. Eins og áður sagði byrjuðu heimamenn með látum og náðu að setja á okkur tvö mörk á 8 og 11mín. Við náðum að minnka munin á 20mín fór gott skot og óvænt frá Árna Þór Ármannsyni efst í markhornið og inn, ekki víst að áhorfendur hafi áttað sig á þessu. Það sem eftir lifði af fyrri hálfleik voru heimamenn sterkari aðilinn en við minnum alltaf reglulega á okkur. Það var svo á lokamínótunni að vítaspyrna var dæmd á okkur og í hálfleik var staðan 3 - 1.

Í seinnihálfleik var allt annað að sjá til okkar þó við hefðum ekki verið sterkari aðilinn sem eftir lifði leiksins. Liðin skiptust á að sækja og við áttum nokkur efnileg upphlaup þó einna það hættulegasta þegar Árni Þór skaut í samskeytin. Ingvar var öflugur í markinu og varði nokkrum sinnum mjög vel.

Í lið okkar í dag vantaði þá Rafn Markús Vilbergsson og Viktor Guðnason sem voru meiddir eftir síðasta leik. Næsti leikur okkar er gegn Fjarðarbyggð sunnudaginn 7. mars í Reykjaneshöll.

Byrjunarlið Njarðvik; 1. Ingvar Jónsson  2. Ísleifur Guðmundsson (Bjarni Steinar Sveinbjörnsson ) 3. Kristinn Örn Agnarsson (Björn Ísberg Björnsson)   4. Haraldur Axel Einarsson   5. Gestur Gylfason (Kristinn Ingi Magnússon) 6.  7. Einar Helgi Helgason (Kristinn Björnsson) 8. Gísli Freyr Ragnarsson (Ísak Örn Þórðarson) 9. Ólafur Jón Jónsson (Gunnar Örn Einarsson) 10. Einar Valur Árnason 11. Frans Elvarsson 

Varamenn; 12. Almar Eli Færsteh  13. Kristinn Ingi Magnússon 15. Björn Ísberg Björnsson 17. Ísak Örn Þórðarson 18. Bjarni Steinar Sveinbjörnsson 19. 20. Gunnar Örn Einarsson 21. Kristinn Björnsson.

Mynd/ Árni Þór Ármannsson

Umsögn heimasíða

Umsögn Fótbolta.net