Aðalfundur knattspyrnudeildar UMFN fór fram í kvöld og var ágætis mæting á fundinn. Dagskráin var samkvæmt lögum félagsins eða venjuleg aðalfundarstörf. Bjarni Sæmundsson formaður setti fundinn og mælti með því að Leifur Gunnlaugsson framkvæmdastjóri yrði fundarstjóri og Magnús Kristófersson ritari og var það samþykkt.

Mynd / Böðvar Jónsson og Bjarni Sæmundsson undirrita samninga

Guðni Gunnarson skýrði ársreikningana

Bjarni las upp skýrslu stjórnar og var skýrslan samþykkt á athugasemda. Guðni Þór Gunnarsson endurskoðandi deildarinnar las upp og skýrði ársreikningana. Tekjur deildarinnar drógust saman eins og við var að búast en hinar ýmsu hagræðingar sem gripið var til skiluðu því að hagnaður var á rekstri deildarinna á árinu en það hefur ekki verið síðustu árin. Reikningarnir voru samþykktir án athugasemda. Gunnar Þórarinsson tók til máls og lýsti ánægju sinni með afkomuna og starfsemi deildarnnar.

Rafn kynnti Uppeldisstefnuna

Rafn M. Vilbergsson yfirþjálfari yngri flokka kynnti nýja Uppeldisstefnu deildarinnar sem hann hefur haft veg og vanda að búa til. Uppeldisstefnan er veglegt rit uppá 31 blaðsíður þar sem öll starfsemi yngri flokka og skipulag er sett upp á glæsilegan hátt. Uppeldisstefnan var síðan lögð fyrir fundin og var samþykkt enda voru fundarmenn mjög ánægðir með hana og góða kynningu Rafn á henni. Uppeldisstefnan verður aðgengileg á heimasíðunni fljótlega.

Hluti fundarmanna

Stjórnin gaf kost á sér áfram en hana skipuðu eftirtaldir Bjarni Sæmundsson formaður, Ólafur Thordersen vara formaður, Andrés Ari Ottósson, Guðmundur Sæmundsson, Halldór R. Guðjónsson, Magnús Kristófersson og Sighvatur Gunnarsson og var hún því rétt kjörnin.

Allt barna og unglingaráð skipuðu gaf kost á sér til endurkjörs en það skipa Halldór R. Guðjónsson formaður, Agnar Hafsteinsson,  Kristján Möller, Magnús Ólafsson og Thor Ólafur Hallgrímsson og var það að sjálfsögðu samþykkt. Meistaraflokksráð verður skipað af stjórn deildarinnar fljótlega.

Undir liðnum önnur mál tóku til máls Bjarni Sæmundsson, Leifur Gunnlaugsson og Rafn M. Vilbergsson og ræddu um yngri flokka mál og þá sérstaklega málefni 2. flokks. Þá tók einnig til máls Ragnar Örn Pétursson íþróttafulltrúi Reykjanesbæjar og lísti hann ánægju sinni með afkomu deildarinnar og veglega Uppeldisstefnu sem sýndi að metanaður er í starfseminni. Hann þakkaði deildinni einnig fyrir gott samstarf við Íþrótta og tómstundasvið Reykjanesbæjar.

Eftir undiritun Böðvar og Bjarni

Síðasti dagskrárliðurinn var undirritun samninga milli Knattspyrnudeildar UMFN og Reykjanesbæjar. Fyrri samningurinn er um uppbyggingu á íþróttasvæði deildarinnar sem gengur út á að aðgreina keppnisvöll deildarinnar frá æfingasvæðinu og snúa keppnisvellinum sem við höfum notast við síðustu þrjú sumur. Völlurinn mun snúa samhliða vallarhúsinu. Knattspyrnudeildin tekur að sér að byggja áhorfendastúku fyrir 350 manns í sætum, þá verður sett upp girðing umhverfis keppnisvöllurinn og ný marka og tímatafla sett upp. Hönnun á þessari framkvæmd er á lokastigi og framkvæmdir munu hefjast fljótlega og verður þeim lokið fyrir fyrsta leik okkar í 1. deild í sumar. Hinn samningurinn var endurnýjun á rekstarsamningi um íþróttasvæðið. Böðvar Jónsson forseti bæjarstjórnar og Bjarni Sæmundsson undirrituðu samninginn. Böðvar lýsti yfir ánægju sinni að samningur um þessa uppbyggingu væri í höfn og bar fundarmönnum kveðju bæjarstjóra og bæjarstjórnar.

Framkvæmdir þessar verða kynntar betur síðar.

Fundi var síðan slitið, stjórn deildarinn þakkar öllum félagsmönnum fyrir stuðning og samstarf svo og einnig þeim fjölmörgu styrktaraðilum fyrir þeirra stuðning,


Gunnar Þórarinsson í pontu

Fimm félagar