Njarðvík sigraði Þrótt Vogum örugglega 1 - 5 í fyrsta leik beggja liða í Reykjaneshallarmótinu. Fyrrihálfleikur var nánast einstefna að marki Þróttar, fyrsta mark leiksins kom á 12 mín þegar Frans Elvarsson skoraði úr vítaspyrnu. Annað marki leiksins gerði Einar Helgi Helgason með laglegu skoti á mín. Þróttar náðu að minnka munin með skoti beint úr aukaspyrnu sem þjálfari þeirra Hallur Ásgeirsson tók. Ingvar Jónsson markvörður sagðist hafa stigið á óreymda skóreymina og það hafi gert útslagið að boltinn fór í netið. Eins og áður sagði voru yfirburðir Njarðvikinga miklir og oft skall hurð nærri hælum.

Seinni hálfleikur var á sömu nótum en þó voru Þróttarar heldur líflegri í sóknaraðgerðum þó það hafi ekki borið neinn árangur. Þriðja mark okkar gerði Vogamaðurinn Einar Valur Árnason með góðum skalla eftir hornspyrnu og nafni hans Einar Helgi bætti sínu öðru marki við, en hann var mjög líflegur í sóknarleiknum. Fimmta markið gerði síðan Bjarni Steinar Sveibjörnsson undir lokin, þetta var fyrsta markið sem Bjarni skorar í meistaraflokksleik. Næsti leikur okkar í Reykjaneshallarmótinu er eftir viku en þá mætum við Grindavíkingum en á laugardaginn verður leikinn æfingaleikur við Ægi úr Þorlákshöfn kl. 12:00 í Reykjaneshöll.

Byrjunarlið Njarðvik; 1. Ingvar Jónsson 2. Gestur Gylfason (Ísleifur Guðmundsson  80m)  3. Kristinn Örn Agnarsson 4. Kristinn Björnsson 5. Viktor Guðnason (Gunnar Örn Einarsson 40m - Kristinn Ingi Magnússon 85m) 6. Einar Valur Árnason 7. Einar Helgi Helgason 8. Árni Þór Ármannsson (Bjarni St. Sveinbjörnsson 75m) 9. Ólafur Jón Jónsson (Jón Aðalgeir Ólafsson 60m) 10. Haraldur Axel Einarsson (Björn Ísberg Björnsson 80m) 11. Frans Elvarsson .

12. Almar Eli Færsteh 13. Víðir Einarsson 14. Kristinn Ingi Magnússon 15. Jón Þór Elfarsson 16. Bjarni Steinar Sveinbjörnsson 17. Ísleifur Guðmundsson 18. Gunnar Örn Einarsson 19. Jón Aðalgeir Ólafsson 20. Björn Ísberg Björnsson.

Mynd / Bjarni Steinar gerði sitt fyrsta meistaraflokksmark í kvöld.