Uppeldisstefna Knattspyrnudeildar Njarðvíkur
Markmið með uppeldisstefnu í barna- og unglingaþjálfun Knattspyrnudeildar Njarðvíkur er að skapa framtíðarskipulag og móta áætlun til lengri tíma fyrir þjálfara, iðkendur, stjórnendur, foreldra og aðra félagsmenn til að vinna eftir.
Mjög mikilvægt er að hafa stefnuna skýra og er þannig lagður grunnur að eflingu og vellíðan iðkenda. Stefnumótunin er í sjálfu sér ekki endanlegt plagg heldur þarf að endurskoða hana og þróa í takt við tímann.
Í stefnunni koma fram starfslýsingar þjálfara og þær áherslur sem við leggjum á í þjálfun og öðrum þáttum starfsins. Ef rétt er haldið á spilunum næst góður árangur og auðveldara er fyrir deildina að viðhalda markvissu og árangursríku starfi hjá komandi kynslóðum. Markvisst uppbyggingarstarf þar sem allir stefna að sama markmiði skilar Njarðvík inn í framtíðina sem enn sterkara og öflugra félagi bæði stjórnunarlega og íþróttalega.
Markmiðið með gerð uppeldisstefnunnar er að samræma þjálfun yngri flokka deildarinnar og að byggja sé ofan á þá þætti sem iðkendur hafa lært eftir því sem þeir eldast. Ýmsir fróðleiksmolar eru í uppeldisstefnunni um þjálfun í yngri flokkum og bent á helstu aðferðir sem deildin telur vænlegasta til árangurs í þjálfun barna og unglinga.
Ljóst er að stefnan mun verða stöðugt í endurskoðun næstu árin og hún löguð til, breytt og bætt til hagsbóta fyrir iðkendur knattspyrnudeildar. Markviss þjálfun í yngri flokkum skilar sér til iðkendanna og verður félaginu til framdráttar þegar til lengri tíma er litið.
Uppeldisstefnan var samþykkt á aðalfundi knattspyrnudeildar 17. febrúar 2010. Á aðalfundinum var hún kynnt fyrir fundargestum og síðan samþykkt. Uppeldisstefnan er nú aðgengileg á heimasíðu félagsins til kynningar fyrir iðkendur, foreldra og aðra félagsmenn. Stefnan er upp á 31 bls. og er hluti af þeim kröfum sem þarf að uppfylla í leyfiskerfi KSÍ til þess að öðlast þátttökuleyfi í 1.deild.
Umsjónarmaður uppeldisstefnunnar var Rafn Markús Vilbergsson, yfirþjálfari yngri flokka Njarðvíkur.
Uppeldisstefnuna er hægt að nálgast hér í heild sinni.
Efnisyfirlit - hægt er að skoða hvern hluta fyrir sig.
1. Uppeldisstefna Knattspyrnudeildar Njarðvíkur
2. Keppni iðkenda
3. Keppnis- og æfingaferðir
4. Viðurkenningar
5. Starfslýsingar
6. Hæfileikamótun - Markmið í tækni- og leikfræðilegum atriðum einstakra flokka
7. Þjálfun og mótun hugarfars
8. Félagslegi þátturinn
9. Forvarnir
10. Annað – ýmislegt sem tengist starfi félagsins
11. Lokaorð