Mótsreglur
1. Leiktími –ein leikklukka er fyrir alla velli.
Eldeyjardeildin 1x8 mín.
Sjódeildin 1x9 mín.
Víkingadeildin 1x9 mín.
Stapadeildin 1x12 mín.

2. Tvær mín. eru á milli leikja og eru þjálfarar/liðstjórar beðnir að hafa lið sín tilbúin þegar leikur hefst. Ef lið eru ekki tilbúin MISSA þau hluta af leiktímanum.

3. Leiktími er aldrei stöðvaður og ef leikmenn meiðast heldur leikurinn áfram, þjálfarar/liðstjórar fara inn á völlinn og hlúa að leikmanni eða gera leikmannaskipti.

4. Engin úrslit verða skráð stærri en 3-0 þó leikir vinnist með meiri mun.

5. Skora má beint úr upphafsspyrnu.

6. Markmaður má ekki skora beint úr útsparki (þegar hann heldur á boltanum og sparkar út).

7. Við aukaspyrnur skulu mótherjar vera í a.m.k. 6 m fjarlægð frá boltanum.

8. Leikið er með bolta nr. 3 skv. reglum KSÍ.

9. Ef að lið eru jöfn að stigum þá ræður markamunur. Ef að markamunur er jafn þá ræður innbyrðis leikur liðanna. Ef að sá leikur er jafn þá eru þeir hærri sem að hafa fengið færri mörk á sig. Ef það er einnig jafnt þá ræður hlutkesti.

10. Leikir umsæti.
Verði lið sem keppa um sæti jöfn að venjulegum leiktíma loknum, vinnur það lið sem skoraði á undan. Verði markalaus jafntefli, skal vítaspyrnukeppni ráða úrslitum, 3 spyrnur á lið.

11. Dómari hefur rétt til að fara fram á það við þjálfara að leikmaður sé tekinn af velli ef hann gerist sekur um gróft brot. Annar leikmaður skal þó koma inn á.

12. Við hliðarlínu (milli valla) skulu eigi aðrir vera staðsettir en varamenn og þjálfari/liðstjóri. Aðrir skulu vera nálægt veggjum Reykjaneshallar.

13. Dómari hefur rétt til að stöðva leikinn en láta klukkuna ganga telji hann að áhorfendur, þjálfarar eða varamenn brjóti reglu númer 12 eða séu uppvísir að ósæmilegri hegðun. Til ósæmilegrar hegðunar telst t.d. óviðeigandi hróp og köll.

14. Góð umgengni er öllum til sóma -verum okkar liðum til sóma.

15. Allir mæta í góðu skapi