Knattspyrnudeild Njarðvikur


Njarðvíkurvöllur
sími 421 1160

Keppnis og æfingar aðstaða deildarinnar er við Afreksbraut (nafnið er ekki ennþá skráð í gatnakefi bæjarins) og var tekið í notkun í sumarbyrjun 2007. Svæðið er fyrsti hluti af nýju íþrótta og útivistasvæði Reykjanesbæjar og er gert ráð fyrir að keppnisvöllur rísi á svæðinu fyrir aftan Reykjaneshöll. Svæðið er 24.000 fermetrar og er hægt að stilla upp tveimur fótboltavöllum í fullri stærð samtímis. Sá völlur sem sést merktur á myndinn er sá sem notaður er til keppni. Við hann er áhorfendastúka sem tekur um 500 manns í sæti. Vallarhúsið er 380 fermetrar og var byggt 2007. Í húsinu eru 3 búningsklefar, boltageymsla, dómaraherbergi, fundar og samkomusalur með eldhúsaðstöðu, skrifstofa deildarinnar, þjálfaraherbergi, þvotta og búningageymsla. Einnig eru útisalerni í húsnu.


Mynd tekin í júni 2007 af Oddgeir Karlssyni

Reykjaneshöll
sími 421 6366
Reykjaneshöll heimasíða

Reykjaneshöllin var tekin í notkun 19. febrúar 2000. Rættist þá langþráður draumur íþróttaiðkenda á Reykjanesi um fjölnota íþróttahús. Hægt er að skipta íþróttavellinum í tvo hluta með tjaldi, sem er mjög létt í meðförum. Íþróttasalurinn er hitaður upp með lofti og er þar góð loftræsting. Í þjónustubyggingin er fundarherbergi, fjórir búnings- og baðklefar ásamt annarri aðstöðu. Íþróttasalurinn er 108 m að lengd og 72,6 m á breidd. Hæð hússins yfir hliðarlínum er 5,5 m og yfir miðju vallar er hún 12,5 m. Reykjaneshöllin skiptist í íþróttahús, 7.840m2 og þjónustuhús sem er 252m2. Hjá yngri flokkum er hægt að leika fjóra leiki í einu.

Nýtt gerfigras frá Polytan var sett á Reykjaneshöll í desember 2007.

Forstöðumaður: Guðmundur Sighvatsson
Gsm: 864 6166